صديقي عبد المنعم العاطل عن العمل مثقف هادئ غريب الأطوار ، اتاني مرة عند الثالثة صباحاً وهو يقول: قوم ، قوم .. بدنا نطلع ع فلسطين .
" شو عم يقول هالزلمة يا ربي " تمتمت والنوم بعيني وانا ادعوه للدخول .
- شو القصة؟!!!
رد بحماسة: بدنا نطلع جنوب لبنان ناخد خمسة طن حشيش ونشد ع حيفا نبيعهم ، وهكذا نربح ونفسد اخلاق الشباب الاسرائيلي ، وهذا افضل أنواع الجهاد .
- كيف يا زلمة ، ومن وين الحشيش ومن وين بدنا ندفع حقه واجار الطريق ما معنا .
- شو بدك انت ، كل شي جاهز وبخدمتنا .
- وكيف بدنا نوصل ع حيفا .
- قارب بمحرك ( ينمر ) بيطيّر العقل
- بتكشفنا الرادارات اللي عم تراقب دبيب النملة
- قارب مطاطي اذن ، نجدف فيه حتى سواحل حيفا
- نفس الشي ، بيكشفونا ، بعدين انت ما قادر تطلع طابقين الا ترتاح اربع مرات ، بدك تجدف لحيفا .
- قبل ما نوصل حيفا بعشرة كيلو متر منرمي حالنا بالبحر ومنقطع المسافة سباحة .
- بس انت ما بتعرف تسبح .
- بدك تضل يا زلمة مسكّرا بوشّي .
.
ليست هناك تعليقات:
إرسال تعليق